Du na ra ai Jinghpaw Nawku Hpawng

Tsaw ra ai Jinghpaw Wunpawng sha ni e,

America U.S.A mungdan a Sinpraw hkingau, Sinpraw Dingdung mayan, Ka-ang Atantic gaiwang ginra kata Virginia mungdaw na Charlottesville mare hta lai wa sai 1999 ning December 25 ya shani hta Jinghpaw Wunpawng amyu sha ni wunawng wuwa ga daga sa du let No. 1 lang ngu na Hkristmas Poi Kaba hpe grai awng dang ai hte galaw la lu sai.

Mau hpa lam gaw, lai wa sai shaning 2008 ning Dec. 25 hta No. 10 Lang ngu na Hkristmas Poi Kaba hpe mung dai Charlottesville mare hta nan bai sa galaw la lu ai lam hpe myit yu yang anhte Wunpawng sha ni yawng a ding yang myit hkrum shabawn ai lam hta Karai Kasang a shaman chyeju teng teng nan hkan nang ai lam hpe sakse mu lu saga ai re.

Ya du na ra ai Sept. 27, 2009 (Laban Shani) 1:00 P.M. hta gaw Wunpawng sha ni a labau shang myit hkrum majoi ginra rai nga ai Charlottesville mare na First Baptist Church Nawku Jawng kata hta Karai Kasang anhte hpe jaw da ai tinang a mahku nsen hte shawng ningnan lang ngu na Jinghpaw Nawku Hpawng Kaba hta alu sha sa du dung nawku shang lawm na hpe akroi anoi hpyi lajin saw shaga dat nngai law.

NAWKU NHTOI: SEPTEMBER 27, 2009
NAWKU HPAWNG ATEN: 1:00P.M.
NAWKU SHARA: FIRST BAPTIST CHURCH
735 Park St
Charlottesville, VA 22902



Hkristu hta saw shaga ai,

Sara Sumhka Seng Nan
Ningbaw
Mid-Atlantic Jinghpaw Hkristan Kanawn Mazum Hpung

Matsing: MKCF hku nna shata 2 hta kalang hpawng ai Jinghpaw Nawku Hpawng a malai ndai Nawku Hpawng hta alu sha sa du shang lawm ga. Sept. 12 ya shani Duwa Dingra Tang Gun a nta kaw zuphpawng galaw na malai ndai Sept. 27 shani hte kapyawn nna JINGHPAW KANAWN MAZUM HPAWNG hpe galaw kau sana hku re.

Lahtaw Zau Tu hte Lasi Seng Bu yan Dinghku Ningnan Hkalum Poi

Tsaw ra ai Jinghpaw Wunpawng sha ni e,

Karai Kasang a Chyeju majaw lai wa bat August 1, 09 ya shani Bangkok, Thailand hta lahkawng maga de na Kanu Kawa, Makyin Jinghku Jingyu Kahpu Kanau ni, Hpung Myit su Salang ni hte, Bangkok mare kaw shanu ai Jinghpaw Wunpawng amyu sha ni man e Karai Kasang kaw ga shaka la let Hkristan kun dinghku ningnan de ai hkungran poi hpe galaw la ngut sai hpang La Ningnan Lahtaw Zau Tu hte Num Ningnan Jan Lasi Seng Bu yan angwi apyaw sha hte U.S.A de du wa lu sai. Dinghku Ningnan hta Karai Kasang a chyeju hpe matut nna hkam la lu na hte America kaw nga nna hkungran poi de n lu sa lawm lu ai ni a matu alak mi yaw shada let HKALUM LUSHA POI hpe lawu na lamang hte maren galaw sa mat wa na re majaw alu sha sa du dung lawm na hpe tsaw ra myit hte saw shaga dat ga ai law.

HKALUM POI LAMANG (Shana Lusha -Dinner hte dawjau na ga ai)

NHTOI: AUGUST 22, 2009 (SATURDAY - BAT 6 YA SHANI)
ATEN : 5:00 P.M.
SHARA: NEW FORTUNE RESTAURANT
16515 South Frederick Avenue
Gaithersburg, MD 20877

******Hkalum Poi hta sa du shang lawm na ni chyeju hte (410)299-7111 (shing n rai) (240) 818-8250 de alu sha shana ya marit. (August 20 ya shani hta jau nna n hpang hkrat ai sha phone hte shana wa jang grai htap htuk na re)

LAM MATSUN:VIRGINIA KAW NA SA WA NA NI

# Take the Capital Beltway I-495 North towards Maryland

# Exit I-270 N and exit Shady Grove Road East

# Take a LEFT turn onto Frederick Avenue (MD 355)

# Take a RIGHT at S. Westland Dr. and an immediate LEFT into the Walnut Hill Shopping Center

From East Montgomery County & PG County:

# Take the Capital Beltway I-495 West

# Exit onto MD 355 N

# Continue on MD 355N

# Pass Shady Grove Road and New Fortune is located in the first shopping center on the right, Walnut Hill Shopping Center

MATSING: KAGA STATE DE NA SA NA NI HKRINGDAT HPE MAHTA GA.