Sara Kaba Donald M. Crider a Myit Dum Akyu Hpyi Hpawng

Jinghpaw Wunpawng a sha ni a Amerikan Sasana Sara Kaba Donald M. Crider hpe Myit Dum ai Akyu Hpyi Hpawng Lamang hpe Feb. 28, 2009 shani 11:00 A.M-12:00 P.M hta Pennsylvania Mungdaw, State College mare hta jinghku jingyu manaw manang 200 jan daram sa du nna galaw shangut la lu sai.
SA DU AI JINGHPAW WUNPAWNG AMYU SHA NI GAW LAWU NA HTE MAREN RE.
(1) Rev. Maran Yaw (Alexandria, Virginia)
(2) Sara Seng Nan Sumhka (Baltimore, Maryland)
(3) Sara Kareng Seng Awng (Baltimore, Maryland)
(4) Shd. Lahtaw Zau Tu (Baltimore, Maryland)
(5) Saranum Tangbau Seng Hkam (Baltimore, Maryland)
(6) Lahtaw Hka Din & Don Lee (Rochester, New York)

Sara Kaba Dr. Crider N Nga Mat, Myit Dum Akyu Hypi Hpawng hpe Feb. 28, 2009 shani Galaw na Re

Jinghpaw Wunpawng sha ni a American Sasana Sara Kaba Dr. Crider gaw lai wa sai shata chyen mi daram hta n nga mat sai lam Sara Kaba jan, Mama Crider kawn chye lu ai.
Sara Kaba a Memorial Service hpe du na ra ai Feb. 28, 2009 (Saturday) shani hkying 11:00 A.M hta lawu na shara kaw galaw na re. Sa lu ai ni yawng sa mai ai lam shana dat ai.

Memorial Service for Dr. Crider
Koch Funeral Home
2401 S Atherton St
State College, PA 16801
(814) 237-2712

Rev,Dr. Lahi Gam Awng a matu‏

Sent:
Sat 1/31/09 11:40 AM

Hkungga let,
Hpung up/ningbaw/ amu madu hte hpung masha ni hpang de hkyak hkyak garum hpyi lajin dat ai law.
Th.M hte D.Min hpe awng la nna anhte Nawng Nang J.W Chyum Hkawlik kaw 2008-2009 jawng lung shaning nna sharin sara hte hpaji up magam hta wa gun hpai nga ai Rev.Dr. Lahi Gam Awng gaw lai wa sai July,2008 nna sai rawt/dwi ni hte Hepatitis-C machyi kaba hkrum ai majaw Yangon na Asia Royal tsi rung kaba kaw aten galu sa tsi hkam la nga ai hta ja gumhpraw mung grai nan jaw ra mat ai hku re.
Ya gaw tsi kaja htu ai aten rai sai majaw ja gumhpraw sen kaba hkyak hkyak nan ra taw nga sai hta nanhte dai mungdan kaba kaw sa du nga ai hpung masha ni hku nna tsaw ra myit kaba hte akyu hpyi garum ai hta n-ga dang di lu ai made mi hkyak hkyak naw garum la marit ngu Hkristu a mying ningsang hta lajin dat ai law. Lai wa sai aten ni hta garum la ai hpung masha ni yawng hpe mung grai chyeju dum nga ga ai. Dr. Gam Awng gaw hkam kaja ai hte rau Chyum Hkawlik de bai magam wa gun na matu n-gun da ting nga ai wa re. Dai majaw shi hpe mai tsai hkam kaja hkra naw jawm tsi garum la marit ngu ga saw lajin dat ga ai re law.
Lai ka hku ka nna shagun nga yang aten na wa na re majaw ndai e-mail hte ka dat ai hpe tara shang laika hku nna hkap la ya marit ngu mung lajin dat ai. Ndai e-mail lu la ai ni yawng chyeju hte manaw manang ni hpe mung garum hpyi rai nna hkyak hkyak naw garum la marit ngu lajin dat ai.
Dr. Gam Awng hpe matut mahkai na telephone gaw- 095027070 re. Address - N0.1, 4th Floor, Chaungtha street, Sanchaung, Yangon re.
Hkristu a magam hta, Chyum Hkawlik a malai,
Hkyen Naw
Jawng Up