Tsaw ra ai Jinghpaw Wunpawng sha ni e,
Lai wa sai Dec. 25, 2008 ya shani, Charlottesville, Virginia kaw galaw lai wa sai (10) Lang na Jinghpaw Wunpawng Hkristmas Poi de sa du shang lawm ai ni yawng hpe chyeju dum ga ai law.
Dai Poi hta mungga sa htawn ya ai Rev. Palawng Naw Tawng hpe mung alak mi chyeju dum ai.
Poi hpe nta madu tai ya let hkap hkalum la ai Charlottesville hte Virginia Bu ni hpe mung nachying wa chyejum dum ai.
Saranum Nahpaw Hkawn Ja hpaji jaw ai hte ndai Blog hpe galaw hpang dat ai re.
Ndai blog kaw aten lu shagu shang lawm let shada shiga gin len ya ai lam, matut mahkai hkat ai lam, hpaji jaw ai lam, ndau shabra ai lam, hte mahkrum kadup garan achyan ya ai lam ni hpe mai galaw ai lam shana dat nngai law.
Hkristu hta,
Sumhka Seng Nan
